Legenda Incurtzaduras | Legenda Sìmbulos

esaminàe, esaminài, esaminàre , vrb: asaminai, isaminare Definitzione fàere s'esàmene, imbistigare, osservare po averguare comente est una cosa, ite ischit unu o at imparau, provare a bíere calecuna cosa Sinònimos e contràrios iscodrignare Tradutziones Frantzesu examiner Ingresu to examine Ispagnolu examinar Italianu esaminare Tedescu prüfen, überprüfen.

isuzigàre , vrb Definitzione cricare, fàere pregontas, foedhare po bòllere ischire ccn. cosa de is àteros Sinònimos e contràrios dimandhare, ispreculare, isuguzare, precontare, speculitai Frases l'isúzigo bene, lu bato a su sou e, mih!, chi narat chie bi aiat in s'irrobbamentu! Tradutziones Frantzesu examiner avec attention Ingresu to examine very well Ispagnolu fisgar, escudriñar Italianu esaminare ben bène Tedescu gründlich untersuchen.

labàre 1 , vrb Definitzione abbaidare, cricare e bogare sa brutura, mescamente su léndhine, in mesu de is pilos in conca: si narat fintzes po abbaidare bene a fine, compidare Sinònimos e contràrios nodare, slindirai / mirai, sprilliociai 2. pastores de custa zona, labàdebbos sa cusséntzia: chie si che l'at seberada sa crabita chi mi est mancada? ◊ una die de catza fit arribbada s'ora de impostare e nos labamus cun su capu-trubba ◊ da èssere limbitostu ti sunt lendhe a befe e ti cherent labare a dogni costu! ◊ nonna labaiat is pudhas: is ci iant criau dhas iscapaiat, is àteras dhas acorraiat Tradutziones Frantzesu épucer, compulser Ingresu to pick fleas off, to examine very carefully Ispagnolu despiojar, espulgar, escudriñar Italianu spulciare Tedescu flöhen, durchstöbern.

pulicàre , vrb: puligae, puligai, puligare, purigai Definitzione cricare e cassare su púlighe, illimpiare bogandhoche su púlighe; cricare cosa coment'e cricandho púlighe, a prugadura, a fine a fine Sinònimos e contràrios spuligai / pilicare 1, prugae Frases purigai sa conca ◊ andhaiat a si puligae prite ca dhi pigàt a iscrafíngiu 2. proite lu ses pulighendhe, cussu minestrone: ite che ses tenindhe?! ◊ no seo puligandhe nudha: seo illimpiandhe su chi imbrutas tue! Sambenados e Provèrbios prb: chie no tenet it'e fàghere su batu púligat Ètimu ltn. pulicare Tradutziones Frantzesu épucer Ingresu to pick fleas off, to examine carefully Ispagnolu espulgar, compulsar Italianu spulciare Tedescu flöhen, durchackern, durchstöbern.

«« Torra a chircare